花居酒屋 (Closed)

居酒屋位置不容易找到，小小既空間卻滿懷日本既風味，加上店內既裝飾，令人猶如置身日本電車站附近既居酒屋。✨首先黎個皇帝蟹肉蟹籽沙律，蟹籽一大堆，沙律係皇帝蟹肉同青瓜絲，皇帝蟹肉好正，啖啖肉！作為頭盤非常清新醒胃～✨三文魚刺身用料上乘，肉感鮮明，食落唔會有筋✨壽司既料全部大大塊，一d都無慳料！三文魚、帆立貝都好新鮮好鮮甜，鰻魚都好肥美，而且壽司飯用醋比例亦都剛好！✨安格斯牛肉烏冬，牛肉份量非常多，而且唔會完全熟晒好鞋口，上枱時仍然保持粉嫩感，加埋熱湯就會岩岩好！✨軟殼蟹牛油果卷，一樣份量十足，估唔到咁大份，軟殼蟹炸得岩岩好，又唔會太油膩亦都好脆，加埋牛油果同蟹籽一齊食，正！