月．火鳳燒鳥 (Closed)

話咁快又星期一 又心血來潮想食日本野 😍😍見到呢間門面夠晒日式 入到去係bar 枱設計 上一層就係塌塌米設計 因為都肚餓嘅關係 所以嗌住個前菜食住先 蕃茄酸酸甜甜好開胃 岩晒鐘意食蕃茄嘅人 like me👻即刻加左分 好期待之後餐廳推介嘅四點盛 有四款刺身 分別係帶子 油甘魚 拖羅同鯛魚 店員有逐樣介紹啲刺身 非常好service 啲刺身都好鮮甜 食得出好新鮮 我最鐘意就係拖羅 因為燒脆左個面食落口感好特別 又香口 食完刺身 就食啲熟野 見好多人都推介麵豉煮牛舌 就試試佢啦 一上碟個陣覺得佢好似中菜個啲炆牛腩 食落就覺得真係冇嗌錯 因為好入味 又夠淋 啲汁調得岩岩好 之後當然唔少得串燒啦 有雞心 雞軟骨 雞頸肉 豬頸肉同鯖魚 因為啲串燒係即叫即燒 所以一上碟係好夠火喉 夠晒熱辣辣 我最鐘意就係雞頸肉 雖然平時都會食下雞頸 但燒嘅真係第一次食 但原來都好香口好好味 真係值得一試 食完主菜，仲叫左甜品水玄信餅 甜甜地 都唔錯 仲有我地都嗌左款清酒 清清地易入口 又靚又好飲 岩哂鍾意飲青酒嘅人 都好多