鮨釧 (Closed)

今日同朋友去左食石門Omakase，雖然貴左啲，但未到一點已經滿曬座，可想而知依間餐廳幾出名！食左：甜蝦、魷魚、鮟鱇魚肝、八爪魚吸盤、鯖魚、鰤魚、北海道活帆立貝、目仁奈、松葉蟹腳、香箱蟹蟹肉、深海池魚。真係不得不讚，應該爽口既爽口，應該彈牙既彈牙，雖然壽司既賣相唔算驚艷四射，但食落口真係一啲都唔輸香港任何一間壽司店。師傅將魚生處理得一啲腥味都冇，亦都將食材搭配得好好，令味道更上一層樓。魚生們都好新鮮，刺生全部都係鮮甜既，每一啖食落口都係享受。我覺得佢地上菜時間都幾快、可能店舖座位唔多，招呼人既需時都少啲，計埋師傅即時整食物，都唔洗等好耐先有得食，好抵讚😝😝