Video
Read full review
2022-12-27
128 views
☆ 夢中環和安里1-3號德和大廈1樓101號舖生日嘅時候黎左呢到食飯慶祝，食得好開心，一直念念不忘，於是乎襯佢一轉冬天menu就再黎試下(๑˃̵ᴗ˂̵) 每一道菜都好精緻，無論係食物定係器皿都好似藝術品咁，真係好吸引(〃ω〃)因為係無menu，所以我會跟相嘅次序寫，等大家易睇d，唔等於係食用次序黎架。✦ 季節懷石 - 冬季❆師傅親手畫嘅畫，春夏秋冬每轉menu都會跟住轉唔同嘅畫，每幅都係人手畫，之前食係秋天，而家冬天都仲係好靚。紅色個料豆子低溫白蘆筍，中間係炸番薯，然後係慢煮八爪魚士多啤梨汁，最上方體個舊係粟米水做嘅果凍，每一款都好好味，一啖一款，作為前菜認真一流，而我最鍾意嘅係慢煮八爪魚同白蘆筍。❆日本春卷皮做撻底，慢煮嘅方法處理鮟康魚乾，再配左青蘋果啫喱同西班牙柿，一啖放晒落口，滿足！特別一提盛載野食個器皿叫海洋之眼，店員教我地用電筒係個底射上去，嘩！即刻唔同感覺，好靚呀！❆呢個一上枱就已經覺得好正，雪人仔好得意好冬天，入面有3款刺身，有平目魚(右)深海池魚(屋仔入面)鯖魚(左)，食嘅次序都係左至右，由淡味開始食到濃味，每款都各有特色，好鮮味。❆黑色呢個係墨汁加咗落西米度做咗米紙，面頭
☆ 夢
中環和安里1-3號德和大廈1樓101號舖
生日嘅時候黎左呢到食飯慶祝，食得好開心，一直念念不忘，於是乎襯佢一轉冬天menu就再黎試下(๑˃̵ᴗ˂̵) 每一道菜都好精緻，無論係食物定係器皿都好似藝術品咁，真係好吸引(〃ω〃)
因為係無menu，所以我會跟相嘅次序寫，等大家易睇d，唔等於係食用次序黎架。
✦ 季節懷石 - 冬季
❆
師傅親手畫嘅畫，春夏秋冬每轉menu都會跟住轉唔同嘅畫，每幅都係人手畫，之前食係秋天，而家冬天都仲係好靚。
紅色個料豆子低溫白蘆筍，中間係炸番薯，然後係慢煮八爪魚士多啤梨汁，最上方體個舊係粟米水做嘅果凍，每一款都好好味，一啖一款，作為前菜認真一流，而我最鍾意嘅係慢煮八爪魚同白蘆筍。
❆
日本春卷皮做撻底，慢煮嘅方法處理鮟康魚乾，再配左青蘋果啫喱同西班牙柿，一啖放晒落口，滿足！特別一提盛載野食個器皿叫海洋之眼，店員教我地用電筒係個底射上去，嘩！即刻唔同感覺，好靚呀！
❆
呢個一上枱就已經覺得好正，雪人仔好得意好冬天，入面有3款刺身，有平目魚(右)深海池魚(屋仔入面)鯖魚(左)，食嘅次序都係左至右，由淡味開始食到濃味，每款都各有特色，好鮮味。
❆
黑色呢個係墨汁加咗落西米度做咗米紙，面頭有北海道牡丹蝦、法國嘅魚子醬，橙色嘅係蝦膏，枝豆蓉，有d金箔感覺又再高貴d，好似食pizza咁咬黎食，米紙好脆口，加上面豆嘅各種醬好香口惹味，真係好爽呀！
❆
雖然細細條但一上枱都霸氣十足，店員話佢叫目光魚，係深海入面對眼會發光，原條咁食，全部都係軟骨好脆口！
❆
左邊係紅菜頭做嘅脆筒，入面係新西蘭龍蝦，d cream都係用龍蝦打成，右邊由下至上係蓮芋、松葉蟹肉、大閘蟹膏，2樣都好精緻好好食，一啖放晒落口，好鮮味。
❆
呢款係由帶子、花竹蝦、賴尿蝦同魚肉一齊做左個fishball，面頭有d日本食用菊，仲有個好靚櫻花造型嘅百合，再配左一d炸左嘅稻穗，幾重口感，個fishball勁好食，各款海鮮都好鮮甜彈牙，好味！
❆
面頭係用九州粟米做左個cream，下面係京都豆乳，粟米味濃又清甜，豆乳做到豆腐花咁好滑，一齊食好好味。
❆
個盒一上枱個時覺得好得意，好似櫃桶咁拉出黎，入面係日本水果茄串埋蓮芋，面頭係草莓做嘅分子料理泡沫，好清甜，同埋可以清下口腔。
❆
麵豉湯好多料，個蓋好似有個心形咁♡
❆
甜品有山形縣梨、北海道蜜瓜、自家製海鹽雪糕
生果勁甜好好味，雪糕都好味，雪糕筒入面仲有d紅豆蓉，好得意。
呢到每3個月嘅10號就會轉menu，岩岩12月開始轉架咋，如果大家想試冬季menu就睇住時間黎啦٩(^‿^)۶
Post
