食驗室 (D2 Place) (Closed)

一上到D2 Place既3樓，就被呢間F.a.t Lab吸引左，好光好簡潔，成個感覺就好似無塵實驗室咁，好乾淨既感覺✨職員係旁邊既開放式廚房，就好似係入面做實驗咁，好特別🤩餐廳以外賣為主，門口有兩部自助落單機，自行落單再耐心等待，落單後廚房職員即刻製作食物，完成後再送出比客人韓式泡菜豚肉丼🍱呢個真係不得了，勁大碗，面層既泡菜豚肉份量好多，辣辣既泡菜好開胃，用嚟配飯一流，值得一試呀😋日式牛肉飯卷🍙一份有八件，餡料有牛肉、甘荀、生菜，飯既份量好多好夠飽，如果餡料多啲就更好啦😆墨西哥牛肉餡餅🌮一打開個盒完全感受到墨西哥既氣息，薄薄既餅皮夾住滿滿既餡，食既時候仲食到好多芝士🧀，有拉絲既效果🤩我覺得一定要加錢換特飲，佢成杯飲品製作完會變成罐裝飲品🫙，呢個包裝我都係第一次見，好特別😍荔枝茉莉茶🍵荔枝同茉莉既配搭非常夾，都係淡淡既清香，入面仲有加檸檬汁🍋，更帶出荔枝既清甜，鍾意飲茶既一定要試呢款假日雪莉🍹由橙汁、紅石榴汁、青檸同梳打水製作而成，酸酸甜甜啱哂夏天飲，夠哂清新，而且顏色仲好靚，見到人都開心啲呀🥳