板長壽司 (Closed)

終於等到放工！仲要第二日係假期，今晚一於同屋企人出去食慰勞自己又報答家人！去開荃新天地又想食壽司，就黎左板長啦！等左一陣入左張卡檯度，餓啦快Ｄ叫野食先！佢有放題同散叫揀，我地食量唔大就散叫啦，而且心諗質素應該好Ｄ啩，不過真係一廂情願......我地咩壽司都叫Ｄ，例如三文魚，炙燒三文魚，鰻魚，芥末墨魚軍艦，蟹子軍艦等，總括黎講，舊飯幾大，想食飽既就唔會失望，但好散，無咩飯味。而上面Ｄ魚都麻麻，新鮮度一般，雖不至於食壞人，但黎食壽司就係想食鮮味嘛！我地仲叫左個冷烏冬，Ｄ料都幾足，有雞絲，青瓜絲，溫泉蛋等，都係份量唔錯，味道一般！不過其實都唔好對板長有太大期望，當佢要做放題，其實表示食品質素已不如前，想用量化吸引人，如果係咁真係叫人唏噓！