一品螞蟻

Open Now

Now Closed

今日難得放假，同阿媽食個下午茶，好多年前已經係紅螞蟻嘅會員，好鍾意食佢哋嘅粉麵，嗰陣時仲可以做會員儲分有張卡，差不多每個星期都幫襯。下午茶都要+1 ，可惜冇服務，勝在坐得舒服。好過阿媽要我去大家樂。咁下午茶都唔貴，$50到一個人。首先係阿媽嘅雞髀配沙律🥗幾靚仔。不過估唔到薯仔沙律份量係咁少。雞髀本來阿媽仲讚緊佢有肉汁，點知一切開就好似唔係咁熟同埋有血水，阿媽仲話唔緊要食埋佢後尾我都係叫經理幫我整返熟佢！我嗰個豬柳蛋漢堡炸薯條又係幾靚，可惜嘅係放入口嘅時候就唔熱囉！餐飲奶茶都好濃郁。