Bake N Grill (Closed)

呢間係正地鐵站附近 超易搵 呢頭實在太小餐廳 係鰂魚涌返工既人就知 想食咩都冇咁 呢間餐廳食西餐為主 不過佢既野食煮法同一般餐廳好唔同 帶黎新意咁 環境幾舒服 我次次都係收工黎一流 同朋友傾下計 飲下野 佢好多手工啤酒 好岩女仔飲 味道冇咁苦 佢係套餐最低 我就叫左個意粉套餐送上師父自制既餐包 好香軟 又夠脆 再加上自製香草汁 加上牛油仲香仲好食水牛芝士 有牛油果 番茄 再夾水牛芝士黎食 佢個芝士好大舊好厚身 不過咁樣夾埋一齊食完全唔膩 又有啖啖既芝士味 如果仲係覺得膩既話 佢本身仲有沙律菜 佢用橄欖油 個感覺好fresh 洋蔥湯佢呢個洋蔥湯好特別 真係要推介下 唔好以為佢只係洋蔥湯 入面仲有成三種唔同既芝士 飲緊洋蔥湯既期間 再食芝士 好好味 仲一d都唔膩 口感豐富好多 同埋唔會搶口 天使紅蝦意粉用左好多蝦膏去煮 食落口每啖都有蝦既香味 大蝦都好爽口 好新鮮 麵質好彈牙 我估佢紅蝦既意思係用蝦膏煮所以有紅色既效果 店員好好 介紹我地飲手工啤酒 酒精濃度唔高 唔洗驚飲到頭暈暈 又易入口 我就簡左隻西柚味 甜甜地 似飲緊果汁咁 店員再另外開左枝辣椒味既啤酒比我 話溝埋一齊飲好特別 一