Video
Read full review
2006-03-07
2 views
間唔中要同鄰部的妹妹仔聯誼一下，收下風，咁至可以保持消息靈通。張單當然由我埋，地點自然由佢地揀，選了在這裡，我當然沒有異議的能力。呢度開左咁耐都未幫襯過，原來午飯時間都幾多人。五個人訂了一張長檯，坐得都幾舒服。裝修得不錯，幾美式餐廳的感覺，有吧檯，喜歡的話飲番杯至食野都仲得。午餐沒有套餐，只有散叫，價錢介乎Ruby Tuesday同Dan Ryan中間，選擇也相若，以意美式菜為主。食咩由妹妹仔們話事，前菜叫了湯及沙律，主菜要了芝士漢堡、肉眼扒、烤辣雞三文治及芝士長通粉。先來的麵包籃幾夠份量，麵包種類都夠多，有合桃包、芝麻包及法包等，但切得不夠徹底，舊舊都大大舊的，要落手落刀去分，搞到未開始食就一檯都係麵包碎；要了幾個湯，出名的是農夫周打湯，用一個幾大的圓麵包盛著，周打湯幾濃郁夠味，也有蝦、魷魚、帶子等海鮮在內，幾豐富，連埋個包食，仲一定飽；洋蔥湯有一塊芝士在面頭，幾膩口又無咩味道，洋蔥湯本身反而還不錯；沙律方面，要了燒雞木瓜及凱撒沙律，相比之下，還是喜歡後者，羅馬生菜幾新鮮，藍芝士汁幾好味，炸麵包粒也不錯。木瓜沙律甜甜地，但雞肉只一般；主菜方面，水準也是一般。芝士漢堡選了藍芝士，是一舊
呢度開左咁耐都未幫襯過，原來午飯時間都幾多人。五個人訂了一張長檯，坐得都幾舒服。裝修得不錯，幾美式餐廳的感覺，有吧檯，喜歡的話飲番杯至食野都仲得。
午餐沒有套餐，只有散叫，價錢介乎Ruby Tuesday同Dan Ryan中間，選擇也相若，以意美式菜為主。食咩由妹妹仔們話事，前菜叫了湯及沙律，主菜要了芝士漢堡、肉眼扒、烤辣雞三文治及芝士長通粉。先來的麵包籃幾夠份量，麵包種類都夠多，有合桃包、芝麻包及法包等，但切得不夠徹底，舊舊都大大舊的，要落手落刀去分，搞到未開始食就一檯都係麵包碎；要了幾個湯，出名的是農夫周打湯，用一個幾大的圓麵包盛著，周打湯幾濃郁夠味，也有蝦、魷魚、帶子等海鮮在內，幾豐富，連埋個包食，仲一定飽；洋蔥湯有一塊芝士在面頭，幾膩口又無咩味道，洋蔥湯本身反而還不錯；沙律方面，要了燒雞木瓜及凱撒沙律，相比之下，還是喜歡後者，羅馬生菜幾新鮮，藍芝士汁幾好味，炸麵包粒也不錯。木瓜沙律甜甜地，但雞肉只一般；
主菜方面，水準也是一般。芝士漢堡選了藍芝士，是一舊的放在牛肉上，很膩，其實要回平時的片裝芝士更好。牛肉漢堡有烤的香味，但肉質鞋且韌，似在嚼牛皮，以美式餐廳來說，這個漢堡算唔掂；牛扒是加拿大肉眼，要了四成熟，燒得也算剛剛好。說是炭燒都幾有香味，唯肉質一般，不過12安士收二百四算不是太貴；烤辣雞三文治夠大堆頭，但雞肉幾鞋口，不過食完多數夠飽；長通粉算是穩陣的一味，味道是略淡了一點。
甜品只叫了奶凍panna cotta，吃了一小口，嚐不真。侍應服務算周到，還會跟進客人對食物的意見。
連幾杯咖啡及汽水，埋單一千零八十幾，食物唔算好，起碼比Dan Ryan，甚至是Ruby Tuesday都差。不過地方真的好坐，位處黃金地段，同埋個大吧檯真的幾吸引，都可以來happy hour的，唔使成日都去Zentro嘛。
Post
