香江花月 (利舞臺廣場) (Closed)

位於銅鑼灣利舞臺嘅呢間香江花月，位置好方便，入到餐廳裏面環境真係好特別啊。有一種古典懷舊嘅風味餐廳嘅中間仲有一部會轉動嘅電單車擺設。好多打卡位，真係好正啊。今晚同朋友上嚟打邊爐。叫咗呢度嘅招牌打邊爐大圓形牛肉擺盤「香江拼」，上枱嘅時候真係好有特色啊。成個香江拼有各款牛肉嘅部位，最啱嗌你同朋友一齊share。牛柳粒淥起嚟夠腍，好好食獨特嘅擺設令到上盤嘅時候好似一個藝術品。真係好靚呀，同朋友都係咁影相。 有幾款牛嘅部位係呢一個拼盤上面 牛白肉口感都唔錯，唔使逐款叫，感覺都幾抵食 。湯底方面 叫咗花雕豬肚鍋，豬肚都厚肉。湯底都幾鮮甜夠濃。另外仲叫咗炸午餐肉同埋炸魚皮，兩款都係即叫即炸，所以出嚟熱辣辣。就咁食都OK，但係我覺得浸埋落個湯度吸下湯汁仲入味。飲品方面，叫咗一杯好特別嘅飲品，叫做桃花緣 聽個名真係好寫意啊。桃汁特飲，粉紅色嘅飲品真係好靚，上枱嘅時候仲會出一個大波波喺飲品上面，好可愛啊。整體來講，餐廳環境舒適，用餐嘅位置到寬敞適合一大班朋友一齊聚吓。