木玥巷 (Closed)

嚟到元朗飲冠軍啡之外，都可以試呢間我覺得唔錯嘅台灣餐廳。紅燒牛肉麵 $79有三大塊嘅厚切牛腱，淋得嚟肉質有少少咬口，好食。都幾大碗麵，湯底清甜唔過咸，蘿蔔同白菜都好入味，吸收哂湯底嘅精華🤌🏼 加埋配菜就presentation加分。鹽酥雞麵 $68即叫即整㗎鹽酥雞，大大舊，份量唔少。睇倒有埋九層塔都知有誠意。皮脆肉嫩又多汁，唔錯唔錯。個粗麵好食，但個湯就無乜味，同碗紅燒牛肉麵完全比下去。會唔會用返紅燒牛肉麵個湯底會好啲？朗屏地鐵站行過嚟都幾近幾方便，一落樓梯就會見倒舖頭。