皇后餃子 (Closed)

收咗工好肚餓，經過恆安街市，諗住買下少少嘢食見到賣緊水餃，有得揀煎餃同湯餃，最後買左 30蚊 8隻湯餃， 四隻白菜 ，四隻椰菜。等咗幾分鐘就有，好快手。一開始佢已經加咗少少菜脯，但係唔夠，自己再加咗好多。鋪頭自製嘅菜甫， 直情昇華咗嗰八隻水餃去咗另一個層次。水餃皮厚薄適中 ，裏面嘅菜同肉份量平均，唔會淨係好多菜冇乜肉。食咗八隻已經好飽好滿足。係宵夜嘅個好選擇。 鋪頭仲有得賣包好嘅水餃。如果打邊爐想食水餃真係可以過嚟買返幾隻應該會好好食。最好有得送埋菜甫。