米亭 (Closed)

去黃金行左個圈，買左啲工作需要既野，買完見4點幾就行下附近有咩食。開頭想去文記食車仔麵既，不過見到下午4點幾都仲有十幾人排隊，就放棄，搵過第二間，黎到呢間門口，見冇乜人，原本想睇下車仔麵有乜料，不過望到全日飯餐，望望下又想食下飯，就入去食。呢間最好就係夠平（限飯餐，麵我就覺得貴，係48蚊起喎）我就叫左金蛋肉餅飯連一罐可樂，都係45蚊。可能呢個時段少人，啲野食黎得又快又熱，肉餅岩岩炸起，咬落去外脆內軟。太陽蛋都ok既，冇煮到太熟。飯就一般般，唔太硬都ok啦。呢間之前未黎過。不過可能我問題，對佢地啲麵真係冇興趣，尤其係48蚊起，叫某個麵要加15蚊，轉某個湯又要加8蚊，加加埋埋都6-70蚊一條友，都係求其食算啦。