Video
Read full review
2018-05-22
1974 views
俾宣傳單張吸引左, 想試吓$108 半隻嘅皇子乳豬.落單5分鐘後乳豬就上枱, 有少少打左個突. 話就話半隻乳豬, 数埋得九件, 每件大約1吋乘3吋. 乳豬件底部嘅骨, 同埋豬肉横切的形狀, 告訢我佢本身並不是一隻BB豬, 所以上枱嘅可能只得八份一隻豬或更少. 本來預左一定唔會有半隻, 但冇預計會咁款. 唔夠喉於是想食埋個豬頭, 点知原來係裝飾, 凍同埋D皮係咬唔開, 唯有放棄. 個豬頭俾我咬過, 希望個廚睇到, 唔會再用返. 乳豬件下面有臘味炒飯, 唔似係糯米, 同埋似係一早炒好晒放在飯煲內備用嗰種.食左優惠價乳豬就不能再有其它優惠. 打開個正價餐牌, 炒碟通菜都$98, 有肉嘅就$128起, 我呢條cheap 友即刻眼都突埋. 上左黎都冇辦法, 求其叫兩味填肚: 鯪魚球生菜豆腐煲, 古法京都骨, 同是$128. 生菜煲嘅生菜很爽口, 豆腐算滑,. 鯪魚球約有十一二粒, 大粒墨魚丸 size, 但冇乜鯪魚味兼味道有点另類, 湯底算幾好, 冇味精同幾大煲, 叫做及格.古法京都骨係用大條嘅一字骨斬件, 骨多過肉, 肉質偏硬, 似炸過籠或者係返炸, 有少少驚食到甩牙. 最好味反而係用黎打芡嘅
落單5分鐘後乳豬就上枱, 有少少打左個突. 話就話半隻乳豬, 数埋得九件, 每件大約1吋乘3吋. 乳豬件底部嘅骨, 同埋豬肉横切的形狀, 告訢我佢本身並不是一隻BB豬, 所以上枱嘅可能只得八份一隻豬或更少. 本來預左一定唔會有半隻, 但冇預計會咁款. 唔夠喉於是想食埋個豬頭, 点知原來係裝飾, 凍同埋D皮係咬唔開, 唯有放棄. 個豬頭俾我咬過, 希望個廚睇到, 唔會再用返. 乳豬件下面有臘味炒飯, 唔似係糯米, 同埋似係一早炒好晒放在飯煲內備用嗰種.
食左優惠價乳豬就不能再有其它優惠. 打開個正價餐牌, 炒碟通菜都$98, 有肉嘅就$128起, 我呢條cheap 友即刻眼都突埋. 上左黎都冇辦法, 求其叫兩味填肚: 鯪魚球生菜豆腐煲, 古法京都骨, 同是$128. 生菜煲嘅生菜很爽口, 豆腐算滑,. 鯪魚球約有十一二粒, 大粒墨魚丸 size, 但冇乜鯪魚味兼味道有点另類, 湯底算幾好, 冇味精同幾大煲, 叫做及格.
古法京都骨係用大條嘅一字骨斬件, 骨多過肉, 肉質偏硬, 似炸過籠或者係返炸, 有少少驚食到甩牙. 最好味反而係用黎打芡嘅菠蘿片, 夠甜夠熱.
茶價每位$12, 花生$10. 三個人埋單$460. 以咁嘅價錢水位同食物質素, 重覆思考左幾次都諗唔到一個理據可推動我再幫趁.
腦電波不斷話我聽... 好又一餐, 唔好又一餐...
因為俾隻豬嚇窒咗, 所以一張相都冇影.
Post