Video
Read full review
2014-02-07
673 views
唔經唔覺，好友狂嚐曲系列都寫到嚟第十二篇，其實Mrs. Fields差唔多日日都經過，因為小弟返工返中環，港鐵站內就有一間分店，所以經常行過，不過就一直甚少幫襯，反而買咗好幾次佢嘅「小食」嚟送俾啲食友仔 。眾所周知，佢哋賣嘅喺美式軟心曲奇，即喺大大塊，咬落唔脆，餅心軟軟韌韌，質感非常有趣，而且糖分高牛油重 。雖然喺咁，亦都有唔少捧場客。晌店面，佢哋會將一小粒一小粒包好放晌櫃枱前俾人試食，小弟有時行過都會隨心攞粒過吓口癮架，哈哈 ！今次唔喺朋友，又唔喺食友所送，喺老細個女醒我哋幾個同事嘅。所以，嚴格嚟講都唔喺太貼題，不過，算啦，被我抽抽水寫埋入「好友狂嚐曲」系列度啦。之但喺，話時話，佢一請就一大盒，雖知Mrs. Fields嘅曲奇本身都唔平，成$13件，所以依盒嘢都成$130架，可是對有錢人而言，碎濕濕啦 ！內裡一共有10塊曲奇，分兩款味道：夏威夷果仁及純朱古力。 夏威夷果仁曲奇 入口可以話喺喪甜 ，真喺甜得有啲無譜，未必人人啱食，不過口感軟腍煙韌，富牛油香味，內裡有唔少大粒夏威夷果仁，真材實料無欺場 ，所以食落份外有咬口，而且果仁又好香脆。 純朱古力曲奇 真
眾所周知，佢哋賣嘅喺美式軟心曲奇，即喺大大塊，咬落唔脆，餅心軟軟韌韌，質感非常有趣，而且糖分高牛油重 。雖然喺咁，亦都有唔少捧場客。晌店面，佢哋會將一小粒一小粒包好放晌櫃枱前俾人試食，小弟有時行過都會隨心攞粒過吓口癮架，哈哈 ！
今次唔喺朋友，又唔喺食友所送，喺老細個女醒我哋幾個同事嘅。所以，嚴格嚟講都唔喺太貼題，不過，算啦，被我抽抽水寫埋入「好友狂嚐曲」系列度啦。之但喺，話時話，佢一請就一大盒，雖知Mrs. Fields嘅曲奇本身都唔平，成$13件，所以依盒嘢都成$130架，可是對有錢人而言，碎濕濕啦 ！
內裡一共有10塊曲奇，分兩款味道：夏威夷果仁及純朱古力。
夏威夷果仁曲奇 入口可以話喺喪甜 ，真喺甜得有啲無譜，未必人人啱食，不過口感軟腍煙韌，富牛油香味，內裡有唔少大粒夏威夷果仁，真材實料無欺場 ，所以食落份外有咬口，而且果仁又好香脆。
純朱古力曲奇
真喺睇佢唔出，估佢唔到，反而無咁甜喎，我諗對大部人而言易入口好多，而朱古力粒好濃朱古力味，佈滿晌成塊曲奇身上 ，所以個人較鍾意依款曲奇，正正啱啱好揀咗兩塊純朱古力曲奇添。
曲奇加咖啡喺下午茶精彩組合，平時晌公司都喺懶懶哋沖三合一咖啡，剛啱同事從旺角嘅My Little Coffee買咗啲非洲肯亞咖啡 ，問我有無興趣喎，仲使講咩 ，加埋杯自家滴漏咖啡，超享受啦！
多謝晒老細個女，亦多謝同事，讓小弟從沉重嘅工作中釋放出嚟一陣，抖抖氣，飲吓咖啡食吓曲奇。
Post
