Video
Read full review
2014-08-06
400 views
美心西餅嘅蛋糕食得多，其實佢都有出曲奇，不過，似乎記憶所及，小弟都未食過佢啲曲奇產品，今次又梗喺要多謝食友啦，賞我一包美心「榛子‧牛油曲奇」，讓我有個「狂嚐曲」嘅下午茶。精緻嘅包裝袋內一共有8塊曲奇，每塊淨重約9克，咪以為磅過，都喺包裝袋後面寫嘅。據食友講賣十零蚊包，唔算貴。不過，始終大集團連鎖店流水作業模式製作，又要控制生產成本，減少損耗，出品質素要求穩定，故此，從成份所見產品都加入較多添加劑。榛子牛油曲奇跟包裝袋面所見嘅一模一樣，中間喺牛油曲奇，外圍邊喺咖啡味曲奇，入口唔可以用脆嚟形容佢嘅質感，但就咬落鬆化，又極富牛油香，而大大粒榛子仁好脆口，味道比想像中好。話晒美心都喺本地大型餅店之一，無理由要做件曲奇都會做得衰嘅。「狂嚐曲」，唔喺因為一個人一次過食晒8塊曲奇，而喺久唔久收到食友送贈嘅曲奇，等小弟經常有曲狂嚐。再次多謝食友，又讓「好友狂嚐曲」系列食評得以延續！
精緻嘅包裝袋內一共有8塊曲奇，每塊淨重約9克，咪以為磅過，都喺包裝袋後面寫嘅。據食友講賣十零蚊包，唔算貴。不過，始終大集團連鎖店流水作業模式製作，又要控制生產成本，減少損耗，出品質素要求穩定，故此，從成份所見產品都加入較多添加劑。
榛子牛油曲奇跟包裝袋面所見嘅一模一樣，中間喺牛油曲奇，外圍邊喺咖啡味曲奇，入口唔可以用脆嚟形容佢嘅質感，但就咬落鬆化，又極富牛油香，而大大粒榛子仁好脆口，味道比想像中好。話晒美心都喺本地大型餅店之一，無理由要做件曲奇都會做得衰嘅。
「狂嚐曲」，唔喺因為一個人一次過食晒8塊曲奇，而喺久唔久收到食友送贈嘅曲奇，等小弟經常有曲狂嚐。再次多謝食友，又讓「好友狂嚐曲」系列食評得以延續！
Other Info. :
因為喺朋友所送嘅小禮物，所以，環境、服務、衛生、抵食幾欄嘅參考值唔大。
(The above review is the personal opinion of a user which does not represent OpenRice's point of view.)
Post
