Video
Read full review
2014-02-03
897 views
正所謂好事成雙，估唔到從老婆同事所贈，再遇番詩特莉阿姨曲奇嘅滋味無耐，又獲食友相贈小弟一包詩特莉阿姨曲奇 。雖然今次只喺散買嘅包裝，但相信都喺食友嘅精心挑選。散賣嘅款式一般都預備咗近20款，所以，選擇唔少，定價為$38 / 100克，約6-8塊左右，都唔算貴呀！曲奇以印有詩特莉阿姨個嘜頭嘅紙袋袋住，上面寫住佢哋口嘅曲奇喺以全人手製造、新鮮烘焙、用上質優食材，可謂製作用心、誠意付出，有別機械倒模式製作。內裡嘅5塊曲奇，外形、厚度各異，確實全人手製造嘅明證 ，再者，5款味道都好有特色，味道突出，絕對製作用心 ！收到依包小禮物時，食友無刻意話我知有咩味，要等小弟估吓喎，不過，都唔算太難估嘅。5款味道分別喺黑芝麻曲奇、粟米片提子曲奇、藍莓曲奇、香橙曲奇及蘋果曲奇，令小弟又有一次豐富嘅下午茶 。 黑芝麻曲奇 唔使多講，齋睇外貌都知佢喺黑芝麻曲奇，不過，食落芝麻香味非常突出，最易估中嘅一款味道。 粟米片提子曲奇 加入粟米片，令曲奇多份脆口嘅質感，整體寧捨香脆，而曲奇中嘅提子乾令人食起嚟帶點煙韌，口感非常不錯。 藍莓曲奇牛油曲奇配搭藍莓乾，一切嚟得預期，雖無太多驚喜，但味道平和
曲奇以印有詩特莉阿姨個嘜頭嘅紙袋袋住，上面寫住佢哋口嘅曲奇喺以全人手製造、新鮮烘焙、用上質優食材，可謂製作用心、誠意付出，有別機械倒模式製作。內裡嘅5塊曲奇，外形、厚度各異，確實全人手製造嘅明證 ，再者，5款味道都好有特色，味道突出，絕對製作用心 ！
收到依包小禮物時，食友無刻意話我知有咩味，要等小弟估吓喎，不過，都唔算太難估嘅。5款味道分別喺黑芝麻曲奇、粟米片提子曲奇、藍莓曲奇、香橙曲奇及蘋果曲奇，令小弟又有一次豐富嘅下午茶 。
黑芝麻曲奇 唔使多講，齋睇外貌都知佢喺黑芝麻曲奇，不過，食落芝麻香味非常突出，最易估中嘅一款味道。
粟米片提子曲奇 加入粟米片，令曲奇多份脆口嘅質感，整體寧捨香脆，而曲奇中嘅提子乾令人食起嚟帶點煙韌，口感非常不錯。
藍莓曲奇牛油曲奇配搭藍莓乾，一切嚟得預期，雖無太多驚喜，但味道平和。
香橙曲奇 較少見到嘅生果味曲奇，一口咬落橙味好出，不過，最意外喺曲奇中加入咗橙皮粒，有咬口，而且令橙味嘅誘發更強，值得推介 。
蘋果曲奇 另一款討人歡心嘅生果味曲奇，曲奇做得薄脆，又含蘋果果肉，所以，蘋果嘅味道既清香，又實在，讚呀 ！
多謝食友嘅心思，又讓小弟狂嚐曲，亦推動我繼續寫依個系列 。
Post
