曲奇薈 (Moved) New Location

曲奇薈嘅蝴蝶酥就買過嚟送俾朋友，但自己就真喺未食過，多謝好友嘅小心意，我小弟都可以試番吓佢哋嘅蝴蝶酥。曲奇薈啲包裝簡約而精美，長型啲包裝袋再結隻絲帶蝴蝶。因為曾買過當禮物，知道佢哋嘅蝴蝶酥味道款式多，如玫瑰、芝士、肉鬆、桂花、朱古力、。薰衣草、茉莉花、羅漢果……等等，而小弟所收嘅喺原味，8片裝。原味蝴蝶酥，先講外觀，型態如心，外形工整，塊塊大細一致，造型一欄合格先，不時見有啲蝴蝶酥真喺散開兩邊架。而且，烘焗得色澤金黃亮麗，令人望落都覺得吸引。啪開一片蝴蝶酥睇睇，層次清晰而細密嘅酥皮層就知有幾酥化，咬一口真喺脆到不得了，啲碎碎散落到一碟都喺，又極富牛油香味，且相對少甜。蝴蝶酥喺幾邪惡嘅曲奇產品，越食越想食。講到蝴蝶酥，雖然曲奇薈經常被攞嚟同四奇四重奏相比，不過，正所謂各有長短，而人人嘅口味、喜好唔同，最緊要喺自己覺得好食啫。