美心西餅 (iSQUARE國際廣場)

Open Now

Now Closed

今次依篇「好友狂嚐曲」好易寫，皆因美心嘅杏仁條晌「好友狂嚐曲系列」中曾經寫過，不過，依次收到嘅跟上次又有少少分別，就喺加入檸檬味嘅杏仁條。好多謝友人咁有心，一齊食餐飯都仲送包杏仁條俾小弟。老套啲介紹吓包嘢，每包內有6條杏仁條，每一條面面都黐滿杏仁片，有啲甚至連兩邊都黐咗唔少杏仁片，外觀烘得金黃。雖然包裝面標榜佢有192層，但側望層次感唔算好分明，咬一口，確喺鬆脆，富牛油香而不膩，特別之處就喺再慢慢滲出一層層檸檬清香味，感覺唔會話好去膩，但就清新咗啲，而表層嘅杏仁片亦好脆口，轉眼間，一頓下午茶就KO晒。依一類嘅杏仁條食過唔少，但每次收到都喺咁鍾意，作為下午茶，香脆嘅口感，襯杯咖啡，已經喺一份寫意。