Video
Read full review
2019-04-01
2739 views
唔少朋友都知小弟一向喜歡食曲奇，亦有寫開曲奇系列嘅食評，最近就收到一份「鬼馬」嘅「港式茶餐廳風味曲奇禮盒」，將茶記特色融入啲曲奇當中，出品喺嚟自本地品牌「龍島」，搞到我都專登落番去佢哋嘅鋪頭了解多啲。「龍島」依家嘅產品越出越多元化，但今次主要去睇吓佢啲特色曲奇，原來共有兩個系列，最正斗喺兩款嘅包裝一紅一綠，均用上懷舊冰室嘅格仔磚圖案，極有心思。紅色嘅稱為「紅寶石」，口味包括：香甜杏霜、奶醬多、濃滑鴛鴦、避風塘炒蟹、沙嗲牛肉及楊洲炒飯，夠晒搞鬼，份量分16片（$108）及30片（$188），依家仲有買2送1添。另一款綠色嘅名為「綠寶石」，口味包括：菠蘿油、紅豆冰、凍檸茶、薑檸樂、鮮蝦雲吞及豉椒，同樣夠卓頭，，有亮點，份量都喺分16片（$108）及30片（$188），一樣有買2送1添。而我收到嘅喺「紅寶石」30片裝曲奇禮盒，打開內盒，再附有單張介紹6款「港式茶餐廳風味」曲奇，全部都獨立包裝袋好，最欣賞喺內盒設計，可以將每一片曲奇卡住，唔會晌拎嚟拎去時撞散啲曲奇，但相對就無咁環保啫。濃滑鴛鴦曲奇咁多款式，最易估到喺佢，因為喺鴛鴦色吖嘛！淺色嗰邊喺奶茶，深色嗰邊喺咖啡，入口幾鬆脆，但味道以奶茶
「龍島」依家嘅產品越出越多元化，但今次主要去睇吓佢啲特色曲奇，原來共有兩個系列，最正斗喺兩款嘅包裝一紅一綠，均用上懷舊冰室嘅格仔磚圖案，極有心思。
紅色嘅稱為「紅寶石」，口味包括：香甜杏霜、奶醬多、濃滑鴛鴦、避風塘炒蟹、沙嗲牛肉及楊洲炒飯，夠晒搞鬼，份量分16片（$108）及30片（$188），依家仲有買2送1添。
另一款綠色嘅名為「綠寶石」，口味包括：菠蘿油、紅豆冰、凍檸茶、薑檸樂、鮮蝦雲吞及豉椒，同樣夠卓頭，，有亮點，份量都喺分16片（$108）及30片（$188），一樣有買2送1添。
而我收到嘅喺「紅寶石」30片裝曲奇禮盒，打開內盒，再附有單張介紹6款「港式茶餐廳風味」曲奇，全部都獨立包裝袋好，最欣賞喺內盒設計，可以將每一片曲奇卡住，唔會晌拎嚟拎去時撞散啲曲奇，但相對就無咁環保啫。
濃滑鴛鴦曲奇咁多款式，最易估到喺佢，因為喺鴛鴦色吖嘛！淺色嗰邊喺奶茶，深色嗰邊喺咖啡，入口幾鬆脆，但味道以奶茶嗰邊出啲，不過，話時話，個茶味就似伯爵茶多過奶茶喎。
濃滑鴛鴦曲奇
27 views
1 likes
0 comments
避風塘炒蟹曲奇咩叫「避風塘」呢？相信好多人都知，簡單嚟講就喺主要以大量炸蒜所做嘅菜式，所以，睇到啲曲奇表面都黐上唔少炸蒜，食落仲有少少辣味，當然，蟹肉欠奉啦，但鹹香惹味，感覺幾過癮。
避風塘炒蟹曲奇
25 views
0 likes
0 comments
沙嗲牛肉曲奇比起塊避風塘炒蟹，呢塊沙嗲牛肉就堅啲喇，因為真喺有牛肉粒架。曲奇明顯混有牛肉乾粒粒，啲牛肉粒咬落口感煙煙韌韌咁，以及沙嗲味都頗突出，果然好搞嘢。
沙嗲牛肉曲奇
70 views
0 likes
0 comments
楊洲炒飯曲奇但喺，如果講到搞嘢，小弟就投楊洲炒飯曲奇一票，因為細心啲睇，曲奇面真喺鋪咗啲脆米、蝦米（應該喺啲蝦殼碎而已）、「叉燒」粒，最抵死喺有埋青豆嘛，入口就當然無楊洲炒飯嘅味道啦，只喺口感豐富咗。
香甜杏霜曲奇最正路，亦最平實嘅一款口味，香脆嘅曲奇帶有濃郁嘅杏仁香味，雖然味道唔錯，但始終相比起其他，就顯得無乜個性。
奶醬多曲奇與其叫「奶醬多」，簡單叫「花生曲奇」貼切少少，因為奶嘅味道就唔太明顯，倒喺花生味較突出，而且，添咗花生碎，食落更有口感。
奶醬多曲奇
27 views
0 likes
0 comments
老實講，雖然啲口味會有種「騎騎呢呢」嘅感覺，但食落又唔錯喎，唔會太古靈精怪咁，真喺有啲茶記風味，咁富本土特色，送俾朋友確喺幾過癮啫。
Other Info. :
因為喺朋友送贈，所以，幾個細項評分（環境、服務、衛生、抵食）嘅參考值唔大。
(The above review is the personal opinion of a user which does not represent OpenRice's point of view.)
Post
