Video
Read full review
2013-07-06
833 views
又喺「好友狂嚐曲」系列，今次收到嘅曲奇禮物喺來自以專賣芝士蛋糕嘅Cheesess，近日店方新推出手製曲奇，不單味道挺特別，用料亦以健康為主，無添加、無防腐、更無人造色素，所以保存期只有兩個星期，而且一口氣推出成7款，據講遲啲仲會加入其他口味，咁就要拭目以待喇。今次收到嘅禮盒裝包裝得好精緻，簡單啡色嘅紙盒，以麻繩取替絲帶，帶點原始啲嘅味道，跟用上健康嘅素材幾夾。內裡每款曲奇都以獨立密封小袋包裝，絕對夠使衛生，而且，還有張小紙條釘在小袋邊，清楚註明曲奇嘅名字，很用心嘅包裝。核桃提子曲奇核桃同提子都落得唔少，咬落要鬆脆有鬆脆，要煙韌有煙韌，加上曲奇本身做得唔錯，唔太甜又鬆化。燕麥紅莓提子曲奇好健康嘅一款曲奇，有紅莓乾，又有提子乾，加咗燕麥令曲奇本身個口感豐富咗同咬口咗，依個我幾鍾意。鬆化牛油曲奇傳統嘅原味牛油曲奇，好有牛油香，而且鬆化得好緊要，食起嚟好似一朕風咁。伯爵茶曲奇餅身入口非常鬆脆，茶香亦隨隨滲出，感覺清香不俗。好茶味曲奇嘅朋友，值得一試。燕麥曲奇比上面塊燕麥紅莓提子曲奇更加重燕麥嘅成份，感覺更粗糙，實際就更高纖。食落煙韌好有咬口，加上喺少甜版本，食得令人更安心！杏仁曲奇杏仁碎唔會樁
今次收到嘅禮盒裝包裝得好精緻，簡單啡色嘅紙盒，以麻繩取替絲帶，帶點原始啲嘅味道，跟用上健康嘅素材幾夾。內裡每款曲奇都以獨立密封小袋包裝，絕對夠使衛生，而且，還有張小紙條釘在小袋邊，清楚註明曲奇嘅名字，很用心嘅包裝。
核桃提子曲奇核桃同提子都落得唔少，咬落要鬆脆有鬆脆，要煙韌有煙韌，加上曲奇本身做得唔錯，唔太甜又鬆化。
燕麥紅莓提子曲奇好健康嘅一款曲奇，有紅莓乾，又有提子乾，加咗燕麥令曲奇本身個口感豐富咗同咬口咗，依個我幾鍾意。
鬆化牛油曲奇傳統嘅原味牛油曲奇，好有牛油香，而且鬆化得好緊要，食起嚟好似一朕風咁。
伯爵茶曲奇餅身入口非常鬆脆，茶香亦隨隨滲出，感覺清香不俗。好茶味曲奇嘅朋友，值得一試。
燕麥曲奇比上面塊燕麥紅莓提子曲奇更加重燕麥嘅成份，感覺更粗糙，實際就更高纖。食落煙韌好有咬口，加上喺少甜版本，食得令人更安心！
杏仁曲奇杏仁碎唔會樁到碎濕濕，所以大大粒嘅杏仁碎咬落卜卜脆，配以鬆軟嘅餅身，老婆特別鍾意。
燕麥可可曲奇個可可曲奇本身賣相唔差，只可惜近來天氣有啲熱，曲奇面嘅朱古力漿有啲溶，令到個包裝「肉酸」咗啲。凡燕麥系嘅曲奇小弟都鍾意架喇，依個都唔例外，仲要襯埋朱古力味，更啱我心水啦。如果加入埋朱古力粒入去，相信好味都不得了喇！
因為喺經食友餽贈，唔知咁樣一盒零售價要幾多錢，只知友情無價，多謝盡在不言中。
Post
