江戶日本料理 (Closed)

識左好多年既朋友生日，打算請佢食餐好，知道佢本身都鍾意食日本菜，不過平時唔捨得食，所以我就帶佢黎呢度食晏，因為之前聽朋友講過話呢度水準幾好但價錢唔算貴。午市套餐既選擇唔少，朋友揀左海鮮鐵板燒，而我想食得清淡啲，所以就要左個壽司．野菜烏冬定食。精選海鮮鐵板燒套餐定食。定食有埋日式燉蛋、漬物、沙律、白飯同麵豉湯。鐵板燒就跟北海道帶子、大蝦、生蠔和三文魚，蝦都幾爽口，生蠔同帶子都唔錯。餐牌寫住白飯係用白雪皇后米，呢種米食落都幾有米香。壽司野菜烏冬定食。壽司有三件加州卷、吞拿魚、三文魚同埋油甘魚，都唔錯。野菜烏冬既湯底幾甜，裡面有好多菜同菇，食完岩岩夠飽。朋友食完都覺得幾好，話下次屋企人生日果陣都可以帶佢地黎食餐好。