Video
Read full review
2018-10-17
343 views
要食好東西，先要運動下。由上環行上去The Italian club，沿路都係斜路，真係需要少許體能架！好彩天氣涼翻d，行上嚟都唔算太辛苦。雖然係閒日夜晚，但餐廳都幾full，我哋被安排坐喺近窗邊嘅吧枱，一坐低未曾order 就已有杯welcome drink，係sparkling wine，放工chill 一chill，飲杯酒清清喉嚨，傾下計。傾到咁上下，我哋order 咗個Grilled Cheese, 一個肉醬闊麵，同埋一份西冷扒，當然唔少得就係意大利有名嘅甜品 tiramisu 啦！Grilled cheese 、紅肉配紅酒是常識吧！所以我哋叫職員推介一款俾我哋，佢介紹咗一隻Chianti 出產嘅紅酒。頭盤Grilled cheese 先上，一件原整嘅tomino cheese 燒到面頭有一條條黑色嘅坑紋，好吸引呀！食落之後發現呢隻cheese味道唔係好strong 果種，反而係淡淡嘅奶香味滲出嚟，一啖芝士再配一啖紅酒的話，芝士嘅味即刻會好強烈咁由喉嚨湧出嚟，有d一陣蘑菇味咁！之前自己食開都係以芝士配白酒，但亦聽人講過話芝士配紅酒係好可以帶出芝士嘅味道，今日一試，終於明白芝士同
雖然係閒日夜晚，但餐廳都幾full，我哋被安排坐喺近窗邊嘅吧枱，一坐低未曾order 就已有杯welcome drink，係sparkling wine，放工chill 一chill，飲杯酒清清喉嚨，傾下計。
傾到咁上下，我哋order 咗個Grilled Cheese, 一個肉醬闊麵，同埋一份西冷扒，當然唔少得就係意大利有名嘅甜品 tiramisu 啦！
Grilled cheese 、紅肉配紅酒是常識吧！所以我哋叫職員推介一款俾我哋，佢介紹咗一隻Chianti 出產嘅紅酒。
頭盤Grilled cheese 先上，一件原整嘅tomino cheese 燒到面頭有一條條黑色嘅坑紋，好吸引呀！食落之後發現呢隻cheese味道唔係好strong 果種，反而係淡淡嘅奶香味滲出嚟，一啖芝士再配一啖紅酒的話，芝士嘅味即刻會好強烈咁由喉嚨湧出嚟，有d一陣蘑菇味咁！之前自己食開都係以芝士配白酒，但亦聽人講過話芝士配紅酒係好可以帶出芝士嘅味道，今日一試，終於明白芝士同紅酒之間嘅神奇化學作用！
主菜我哋叫咗另一道經典菜式，肉醬闊麵。菜式係普通咗d，不過佢呢到嘅意粉係home-made架，所以絕對要試下啦！果然無令我失望，肉味濃郁，茄汁唔會太酸，闊麵都有咬口，唯一可惜係麵嘅蛋味唔夠香，如果蛋味再香d會更加好食！
我哋仲叫咗個熱石西冷牛扒，medium rare 嘅牛扒上枱時仲喺熱石上繼續加熱，唔喜歡食太生嘅朋友就再等下先，我就唔客氣喇！牛扒無乜太多醃製過，主要係靠牛扒本身嘅肉味同旁邊四款調過味嘅橄欖油:分別有松露、tobacco 、蒜蓉檸檬同埋黑醋。個人覺得蒜蓉檸檬同黑醋特別好食！兩者都酸酸地，帶得出肉味之餘又解油膩。
最後甜品就不用多講，意大利經典甜品，綿滑又不會太甜，啖啖咖啡香味又唔苦澀，好好味！
Post
