鰹之一滴 (Closed)

今日媽咪話好想食拉麵，帶佢嚟呢間試吓先。星期日嘅1點嚟到，要等位，好在等咗無耐就有位。前面一排都係吧檯，成間餐廳都唔算多位，但非常乾淨由幾企理喎，媽咪都坐得好安樂。餐牌上只有鰹之一滴及黑之一滴兩種拉麵，基本嘅餸有叉燒、腐竹及雞蛋，唔夠嘅話可以追加昆布椎茸、叉燒及紫菜等。最基本嘅鰹之一滴係$78，黑之一滴就係$98，幾合理吖！鰹之一滴 ($88)隻碗有別於其他拉麵店嗰啲傳統碗，呢隻好特別好靚！食麵前飲啖湯先，湯底是用東京築地百年老店「伊勢啓」嘅鰹魚、雞骨、昆布、日本菇等材料熬3小時而成。鰹魚嘅鮮味非常清甜突出，質感唔厚身又唔油膩，忍唔住好想一啖一啖咁飲，最後我差不多飲到剩返半碗！有2塊叉燒、一隻蛋、少量腐竹、紫菜及鰹魚片。叉燒雖然肥瘦適中又肉味，但食落有渣及鞋口，可惜；麵條係粗身直麵，落單時我要求要硬啲，掛到啲湯吧；半熟玉子超級流心，好味得不得了！黑の一滴 ($108)加咗一小羹黑松露醬，黑松露醬及鰹魚嘅味道各有千秋，更添一份香氣，但個人都係prefer鰹之一滴多啲！整體嚟講係好味，但飲完個湯之後口乾到夜晚，唉.... 而且等待拉麵嘅時間太長，等到有少少唔耐煩...