J.S. FOODIES (港威商場)

Open Now

Now Closed

今日見到冇乜人等位，一於入座吃午飯。餐廳裝修光潔明亮，座位唔會好逼。餐點的選擇以西日式為主，主打有漢堡、梳乎厘班戟等，價位和一般cafe 差唔多，但不設訂位，而且長期有人排隊，所以要碰一下運氣。龍蝦沙律$188真好吃，不但賣相很美，色彩奪目繽紛，材料豐富，不但有龍蝦，又有牛油果，仲有車厘茄、甜粟米、沙律菜，加上蜜糖芝麻醬，味道又香又甜，口感清爽，好吃又飽足。原味疏乎厘班戟$99份量十足，真可口！班戟即點即造，需時廿分鐘。班戟成寸厚，旦味濃郁，口感輕盈如空氣，帶一點濕潤，甜度適中，加上滑滑忌廉，creamy 又甜美，正！Flat white $36的味道比較中規中矩。咖啡味道比較重，帶甘，泡沫有點多，但沒有太苦或酸，可以吧。