越一越南牛肉粉專門店 (Closed)

越一越南牛肉粉專門店，目前有3間分店，分別位於九龍區嘅黄大仙，新界區嘅荃灣及粉嶺，有好多朋友吃過，都話好吃又抵食，我當然也唔例外。今日來到荃灣呢間，由MTR行過去僅僅需要5分鐘，實在非常方便。今次叫咗兩個午餐，分别係香茅豬扒湯河粉及香葉辣肉碎煎旦飯，香茅豬扒同湯河係分開上，仲有啲配料例如辣椒粒，芽菜，香葉亦都係分開嘅，我覺得咁樣做真係好好，可以跟番自己口味適當調節，豬扒好入味又有勁香的香茅及蒜片，口感極好，成個餐好perfect。煎蛋飯勁多肉碎，煎蛋又有小小流心，話明係小辣，但我又唔多覺，所以唔吃得辣嘅啱哂。越南小食嘅越一春卷及牛油雞翼僅僅賣12蚊及22蚊，勁抵囉。 而加18及22蚊又可以享用到鮮搾沒有加水的菠蘿汁同埋椰青，又一推介之選。店员推介嘅加配甜品朱古力雪糕及咖啡奶凍令呢餐寫下完美句號。