圓山台灣料理 (Closed)

第一次黎尖沙咀圓山台灣料理，食物質素好，難怪人客超多。蘿蔔千絲酥(大)，大大隻，剛出爐，裡面有好多餡，外面個皮好鬆化。蠔油生腸 $70，生腸爽口，但無乜味，配上蠔油剛好提升了味道。秘製酒香豬潤燒賣(特)，朋友喜歡吃豬潤，見到呢個點心已經話要吃，豬潤超大塊，好淋，好好味，太邪惡，不敢多吃，另外燒賣有超濃超香的酒味，好特別，不錯不錯。懷舊水晶鮮蝦餃(特)，燒賣蝦餃是飲茶必叫點心，呢到蝦餃相對細隻，可能因為咁有五隻蝦餃，皮薄好味。即撞木桶豆腐花 $68，份量超多，有成六碗，豆腐花超熱超滑，賣相同味道都一流。