芽莊越式料理

Open Now

Now Closed

第一次黎呢間食越南菜, 因為早黎所以都唔洗等位, 到7點開始就愈來愈多人入座了. 餐牌款式都好吸引, 最後兩人叫了4款野食, 1) 軟殼蟹米卷軟殼蟹炸得好脆, 入面仲有青瓜同菜絲, 點埋個汁食都幾開胃, 感覺清爽.2) 炸魚肉餅這個一放低就聞到很香, 表面炸香有少少脆身, 厚身, 魚肉彈牙, 啖啖肉, 好足料. 入面仲有D馬蹄, 令到個口感多左份爽口~ 而且魚肉唔覺得腥, 又唔會太鹹.3) 生牛肉河 (左下角)最期待試這裡的生牛肉河~ 果然質素不錯耶. 河粉夠滑又幼身, 牛肉片夠薄, 口感嫩滑~份量仲要都唔少~好正~!! 因為係生牛肉, 所以浸O係個湯度一陣先食~紅紅的牛肉就會隨住湯既溫度變熟了~ 最正係個湯底, 湯底濃郁, 好香好鮮甜~飲左好多啖都唔會口渴. 好好味!4) 越式燒雞這個越式燒雞就不是太特別, 感覺只係表面沾了香草的燒雞, 要點佢附上的醬汁先會覺得似越式風味~ 不過份量也不少, 味道都幾香.雖然價錢唔係太便宜, 但係味道都真係唔錯, 下次都會再黎食下其他款式!