侍元

Open Now

Now Closed

最近咁啱約咗朋友喺黃大仙。而咁啱到晚餐時間，我就聽朋友嘅推介一齊去咗位於黃大仙中心北館嘅侍元享用我哋嘅晚餐。呢間餐廳係以自助嘅形式運作嘅，所以座位上嘅安排都比較彈性。講返佢嘅嘢食先，嗰日我同朋友一共叫咗兩款定食再加套餐。首先我就叫咗一份別府風血池地獄豚骨拉麵加配泡菜套餐，個拉麵我個人認為真係有一定嘅辣度，可能因為我本身鍾意食辣，我覺得佢辣得來好惹味。而佢嘅豚骨個口感都做得唔錯。再加埋額外嘅泡菜，絕對符合鍾意食辣嘅愛好者！而我朋友就叫咗一份海軍咖喱吉列豬扒飯配沙律套餐，我朋友對呢個咖喱吉列豬扒飯讚不絕口，佢覺得豬扒揸得好酥脆夠晒有口感。而咖喱汁本身都好開胃，好適合送飯！另外套餐仲有凍檸檬茶，個人認為凍檸檬茶真係好消暑，好適合呢個天氣飲。誠意推介大家嚟呢間餐廳試吓啦！