愛上米線 (美輪大廈) (Closed)

聽朋友嘅推介發現原來喺北角都有間好值得一試嘅米線。身為米線愛好者嘅我就點都要去試下佢嘅米線啦。牛魔王麻辣湯米線第一樣要介紹嘅米線就係真材實料系列嘅米線。呢個米線真係啱晒食肉獸，入面一共有肥牛、牛丸同埋牛𦟌。睇咁睇個份量都見到有幾足料，再叫埋中辣令到成碗米線變得更加開胃。飲返杯芒果乳酪梳打，完全感受到咩叫透心涼。呢個配搭我真係好滿意。港式胡麻酸菜湯第二碗我想介紹嘅米線同樣好吸引，本身都已經好鍾意酸菜同米線嘅配搭，另外喺自選餸方面我叫咗雞柳。雞柳本身都好滑同埋唔碎，胡麻嘅效果令到成碗米線變得酸酸辣辣咁開胃。奇趣流心炸蛋都整得好好，食落唔會太油膩。大澳爆汁雞翼之後呢款小食，絕對係我食過最好食嘅雞翼之一，佢唔單止皮脆肉嫩之餘。另外雞翼嘅肉汁真係完美咁鎖咗喺入邊，名副其實做到爆汁嘅效果。以呢個價錢嚟講真係好值得一試。如果大家都鍾意食米線嘅，就一定要繼續留意吓呢間餐廳啦。