火五越式牛肉粉專門店 (華生樓) (Closed)

今次同朋友去咗間位於太子嘅牛肉河專門店食午餐。間餐廳名係火五越式牛肉粉專門店，係其他地方都有分店架。我自己覺得嚟度火五就一定要食佢嘅火車頭牛肉粉，佢個牛肉粉可以話係相當足料，例如有生熟牛肉、牛丸同埋扎肉，另外仲可以免費加粉。真係必食嘅選擇。而我嘅朋友就叫咗香茅豬扒油香飯，本身好少機會可以試到油香飯，試完之後，覺得油香飯都有一番風味，黃油香飯令到成個飯嘅味道有所提升，同佢嘅香茅豬扒好夾。香茅豬扒，揸得非常好食另外都好夠味。至於小食方面，就叫咗個絲網蝦春卷，春卷炸得好酥脆，另外蝦肉個口感都好彈牙，真材實料。飲品方面，我好欣賞佢嘅越式香滑濃咖啡，佢個咖啡味真係好重，如果想提神嘅話飲番杯真係幫到你。如果大家係想食下越式嘢嘅話，我覺得呢間餐廳絕對滿足到你。