三才魚蛋粉麵

Open Now

Now Closed

最近難得喺銅鑼灣附近做嘢，正值下午茶時段，就當然要搵返間吸引嘅餐廳啦。今日就揀咗間位於銅鑼灣嘅三才魚蛋粉麵享用下午茶，當中嘅嘢食都令我好滿意。魚蛋魚片頭河主食方面我就叫咗碗魚蛋魚片頭河，另外仲加咗杯凍檸樂。因為係下午茶時段嘅關係，所以餐廳仲額外送咗碟生菜，真係超級良心。餐廳嘅手打魚蛋同魚片頭都好出色，彈牙有口感。河粉亦都唔會一夾就斷。再加埋餐廳嘅辣椒油，令成碗魚蛋河變得更誘人。炸魚皮第一款想介紹嘅小食就係炸魚皮，炸魚皮真係好大塊，而且仲好脆卜卜，真係夠香口！白味鳳爪第二款想介紹嘅小食係白味鳳爪，佢嘅份量真係好多，味道酸酸甜甜，非常開胃。如果大家都鍾意搵一間性價比高嘅魚蛋粉，咁就一定唔可以錯過啦。