Video
Read full review
2023-04-10
443 views
北角匯有一間好出名嘅打卡餐廳，餐廳嘅環境都比紫色嘅花花包圍着，入到去有一種浪漫，而且有格調嘅感覺。下午茶時段嚟到，可以食到呢度嘅主菜，同時亦都可以喺度享受唔同嘅西式甜點。南瓜忌廉湯配香草麵包條濃郁香甜嘅南瓜湯，香草麵包條口感脆硬，配上南瓜忌廉湯一齊食口感會比較豐富。烤焗法國春雞配意大利紅酒汁雞肉嘅份量好多，烤肉之後肉質鮮嫩多汁，雞肉嘅外皮亦都喺烤焗之下變得非常焦香薄脆。整道菜嘅飽腹感好高，因為除咗雞肉仲有唔同嘅配菜同埋焗薯，食完真係好有飽足感。精選蛋糕套餐入邊可以自選一款蛋糕，我就選擇左開心果吉士千葉酥，開心果醬好香甜，而且好軟滑，千葉酥非常酥脆，而且有好香嘅牛油香味。意式開心果吉士牛角包另外嗌咗個牛角包。可以選擇烘熱，烘熱後牛角包變得更加酥脆，開心果醬香甜而且有流心嘅效果。榛子慕絲朱古力蛋糕依度嘅甜點賣相都好精緻，而且好誘人，所以我都忍唔住嗌多件。榛子味道非常濃郁，慕絲口感亦都非常軟滑，底層係朱古力海綿蛋糕，仲有少少朱古力碎，所以口感非常豐富。提拉米蘇牛奶咖啡食甜點之餘，都要嗌返一杯熱飲。依杯熱飲真係完全表現出提拉米蘇嘅味道，入口唔會太過甜膩，反而有好香嘅咖啡香，同埋奶滑，係一杯非常
南瓜忌廉湯配香草麵包條
濃郁香甜嘅南瓜湯，香草麵包條口感脆硬，配上南瓜忌廉湯一齊食口感會比較豐富。
烤焗法國春雞配意大利紅酒汁
雞肉嘅份量好多，烤肉之後肉質鮮嫩多汁，雞肉嘅外皮亦都喺烤焗之下變得非常焦香薄脆。整道菜嘅飽腹感好高，因為除咗雞肉仲有唔同嘅配菜同埋焗薯，食完真係好有飽足感。
精選蛋糕套餐入邊可以自選一款蛋糕，我就選擇左開心果吉士千葉酥，開心果醬好香甜，而且好軟滑，千葉酥非常酥脆，而且有好香嘅牛油香味。
意式開心果吉士牛角包
另外嗌咗個牛角包。可以選擇烘熱，烘熱後牛角包變得更加酥脆，開心果醬香甜而且有流心嘅效果。
榛子慕絲朱古力蛋糕
依度嘅甜點賣相都好精緻，而且好誘人，所以我都忍唔住嗌多件。榛子味道非常濃郁，慕絲口感亦都非常軟滑，底層係朱古力海綿蛋糕，仲有少少朱古力碎，所以口感非常豐富。
提拉米蘇牛奶咖啡
食甜點之餘，都要嗌返一杯熱飲。依杯熱飲真係完全表現出提拉米蘇嘅味道，入口唔會太過甜膩，反而有好香嘅咖啡香，同埋奶滑，係一杯非常好嘅熱飲。
依度嘅甜點，真係好高質素。買單嘅時候我都忍唔住要外賣返一啲返去同朋友仔分享一齊食。價錢唔貴，但係質素就好高，性價比真係高。
Post
