京都薈 (Closed)

今日去完迪士尼後揀咗嚟呢間位於青衣新開嘅酒樓食晚飯，好耐無嚟呢個屋邨商場，原本五樓嘅兩間酒樓，一邊封咗，另一邊改咗名由第二間酒樓接手。大概八點嚟到，等咗一陣就有位，客量算多，枱排得幾密，人手勉強夠，場面有啲混亂。點咗三個都係我鐘意食嘅餸，份量都可以，味道唔錯。芝士焗波士頓龍蝦伊麵底，肉好少，個汁比上湯杰啲，但又見唔到芝士亦食唔出芝士味，唔道唔錯。古法羊腩煲(跟時蔬一碟)，入冬後第一次食羊腩煲，羊肉無渣唔鞋，味道可以，淋啲會更好。京式片皮鴨(一食)，由於我唔鐘意片到好似鵝片咁肉多過皮，食唔到鴨皮嘅油騷味，所以呢度嘅片皮鴨好啱我口味，一大片皮連啲啲肉，加埋薄餅，配菜同醬，一咬落去，好滿足。小食係加咗個白飯。