ENVY Restaurant & Bar (Closed)

基本上個標題已經總結左我對依間餐廳嘅睇法。員工嘅服務態度係好好嘅，我同朋友入到去之後就好積極咁同我地介紹返每一道菜嘅特色同埋煮法，亦好積極咁問我哋嘅口味，令到我哋選擇嘅菜式都會係自己想食嘅。咁我同朋友就叫咗lamb sauage、quail、pasta。我同朋友都認為個lamb sauage係最好食嘅。首先係好濃味，每咬一啖都會有汁滴出嚟，如果你係鍾意食羊的話一定要叫，同埋佢放下面嘅薯蓉都好食，不過就略嫌唔係好夠熱。個pasta都好味嘅，佢用咗帶子同海膽煮的汁，基本上係好入味，而麵質係偏硬身嘅，我自己就好鍾意但我朋友就麻麻哋。Quail其實係雞扒，下面上有一層飯。由於佢用咗炭燒嘅木喺下面煮，咁所以飯係有炭燒味嘅。平心而論個飯係幾特別幾好味嘅，飯粒亦都好煙銀，但個雞扒就好普通。但餐廳最大嘅問題係份量真係好細而個價錢亦都係真係幾貴下，所以雖然佢係好食，但我都應該唔會去下一次。