尚點 小籠包.上海麵館 (置富第一城) (Closed)

今日同媽咪到第一城探親戚， 探完就喺嗰度搵飯食 ，見到呢間餐廳非常多人等候， 我諗應該水準都唔錯， 就入咗去食午餐。 睇下餐牌，選擇都好多，就隨便叫咗自選尚點四式涼菜、砂鍋津白、雪菜肉絲炒年糕，見餐廳而家仲有蟹粉菜式供應，係媽咪最愛，就叫咗個金黄蟹粉小籠包同金湯餛飩俾佢試吓。好快就上菜喇，我揀嘅四式涼菜係燻魚、香煎素鵝、四喜烤麩、涼拌茄子。擺設很討好，涼拌茄子醬汁味道調校到少少甜， 拌冰涼嘅茄子一齊吃，很開胃。四喜烤麩啲冬菇做得很滑，與烤麩一同炆得很入味。燻魚炸過，內裏很鬆軟，但表面仍保持脆脆地，有別於市面上硬實的煄魚。 至於香煎素鵝內裏有冬菇，外皮煎得香脆而不油膩。金黄蟹粉小籠包小籠包包皮很薄，一咬肉汁四溢還帶有陣陣蟹黄甘香。金湯餛飩餛飩皮很滑，內餡有蟹黃和猪肉，甘香味鲜美。金湯有紫菜 、蟹肉，蛋皮，特別又好味道。砂鍋津白材料很多，與一般砂鍋津白不同，除肉丸外， 仲有豬肚、鯇魚、蛋餃……等，湯底非常濃郁。雪菜肉絲炒年糕軟滑年糕俾濃濃醬汁包裹，加上炒得入味的雪菜和肉絲，非常惹味。這個午餐，令我和媽咪都非常滿足。