上海點匠滬點小廚

Open Now

Now Closed

同朋友黎左食上海野，一間叫上海點匠嘅小店，木系裝修，店內光猛冷氣足，感覺唔錯。睇睇餐牌點咩先，枱上有茶提供，似係蕎麥茶，好香啊。🥢雪菜肉絲炒年糕因為好肚餓，同朋友一口氣叫左幾樣澱粉質，哈哈。第一樣係炒年糕，雪菜、筍絲、肉絲同炒，年糕軟腍煙韌，鹹鹹地好好味，口感勁正。🥢上海粗炒再來有粗炒，配料有椰菜、冬菇、肉絲等，豉油好香甜，炒得香口唔油膩，麵條有咬口。🥢招牌小籠包食上海野又點少得食點心，先來客小籠包，一客有四隻，皮薄多湯汁，夾起亦唔易爛，湯汁勁鮮味，好好食，我覺得應該要叫一人一籠。🥢上海生煎湯包另一樣愛食嘅係生煎包，即叫即煎製作需時，上面幾樣食得七七八八先到。上枱時店員提示湯包十分熱要小心食，哈哈，朋友一口咬落去湯汁四射，好彩無中招啫。外面煎得香脆，入面滿滿嘅湯汁，又係超好味，必叫！🥢流沙心太軟最後仲加左份甜品心太軟，其實有啲似高力豆沙，不過個餡就變左做流沙嘅鹹蛋黃奶黃，餡料又香又甜，外層鬆軟香口，好食！點咁多樣都好食喎，下次黎食晚餐試下佢啲小菜先。