大樹燒烤 (Closed)

當喺尖沙咀想搵食但又無明確想法🤔直接去H8揀一間就無錯❗️今晚決定食串串啦🔥🍢🍡平日晚餐時間 八九成滿好多中大枱 岩哂成班frd黎傾計吹水🗣️🫂非常之熱鬧 播住好大聲嘅音樂🤣環境闊落 裝修好新淨 冷氣十分夠！😍咁就放心 夏天三十幾度都唔會邊食邊出汗種類比想像中多👍🏻同埋都有幾多特別餸 好貼近深圳燒烤店嘅選擇例如鴨下巴，雞架，炒湯圓等等呢啲都好少香港食到🤓飲品都一樣新類😯有而家好興嘅鴨屎香👀同埋各款啤酒所有串燒都係預先燒熟哂😇再上枱放喺爐上面加熱所以係微溫 唔係熱辣辣燒雞皮好脆，少少燒燶🤏🏻比較沾籖無得咁俐落一拉就拉哂出黎食豚肉韭菜花卷 Juicy! 包得幾實🫶🏻一啖一嚿 岩岩好比起只叫燒韭菜無咁單調燒雞軟骨太細粒 比較腍🥲唔係幾有嗰種粒粒咬口感下次叫返酥炸可能會好食啲台式香腸😋😋夠重口！正！唔乾！試埋佢啲蔬菜類先～燒翠玉瓜 超多孜然粉 好惹味😍多汁 不過燒得過火所以變腍 無咗咬口燒千葉豆腐 又係岩哂重口人士薄，但又吸哂味🤪燒土豆片X2 超薄片，個邊邊燒到脆卜卜比較油膩少少🤏🏻重點推介佢嘅鍋燒開心花甲粉絲 係粒粒蜆嘅fd🤣第一次見花甲仲多過粉絲目測三十粒以上😝無沙！但啲殼好易碎食嘅時候要留神