串燒咖啡 (Closed)

今日同朋友黎到串燒咖啡，朋友想吃好耐。呢間樓上cafe嘅食物質素都算5錯，Cafe有得食時又有得玩下board game，內在個環境亦算舒適。同朋友點咗幾款食物，呢個挪威煙三文魚沙律材料都好新鮮，沙律用嘅生菜不澀，青草綠味，而煙三文魚片咸味好夠😀，肉質好滑溜，肉片切得厚薄適中，仲有加些芝士粉係三文魚面頭可以調下味道👍🏻👍🏻👍🏻，好開胃嘅前菜。叫咗個脆薯皇!呢款自家制脆薯皇賣相雖然唔係好吸引，但就食落去係5錯嘅，外層嘅薯皮真係好脆口，內裏薯仔蓉鬆軟，好香蕃薯味，又香又脆，一流。而呢個白汁芝士海鮮意粉味道好軟滑，意粉煮得岩岩好，個硬度好爽口彈牙，白汁芝士汁煮入了意粉中，弄得好入味，內裏材料有好幾樣海鮮，魷魚，蟹柳等，青口得一個，有多些少就會更好啦。海鮮都好新鮮，無霉嘅感覺，依然帶點海水味，係高級享受。飲品叫了柚子香橙雜果特飲，外型好靚，用上大大個圓杯，杯口裝飾放滿生果柚子同香橙出黎嘅味道好夾，估5到個效果好鮮甜，好美味，好可口。後記：店員不多，但服務5錯，又有介紹，店子小小，坐得舒適，可以再來。