串串燒 by Season (Closed)

我本身好鍾意食串燒…一來惹味…二來可邊叫邊食…三來又可以送下啤酒…今次係旺角掃到“開飯”有呢間“串串燒by season”…見到comment幾好…價錢又唔貴就黎試下。呢度都算係太子旺角交界…係彌敦道一棟大厦地庫入面…落到去地方唔算好大…不過d位都放得好闊落…望下張點餐紙…見到唔只有串燒…仲有生蠔…而家仲有優惠買紅白酒會享有生蠔特價…見到50蚊就有精選生蠔一打…中碼蠔半打都係50蚊…好抵下…不過今日一心想食串燒就下次先試(聽到隔離檯re-oder…相信應該唔錯)呢度串燒分好哂類…豬牛羊雞海鮮蔬菜等等…通常食襯串燒必點雞泡魚乾…雞翼同埋燒茄子…尤其燒茄子…好多地方都有賣…不過都好多地方都燒得唔好味…所以睇茄子就知師父手勢點我地點左都幾多野…有成10幾款…大部份都係10幾蚊就有交易…首先黎雞翼…雞泡魚乾…雞翼燒得好靚…雞皮燒到好脆…肉又嫩…雞泡魚乾燒到啱啱好…夠乾身又唔會硬…一路野食黎緊…有丸類…雞髀肉…雞腎…雞肝…有日式又有川式做法…唔會燒到乜都一種味…推介牛舌…雖然薄切但都好爽口…豆卜都好好味…燒到脆卜卜…燒韭菜都唔錯……個大子元貝都好正…好鮮甜同嫩…一定新鮮貨…仲幫手除左腸…好細心。