鮨樂 (奧海城3期) (Closed)

小朋友經過話想食壽司，11:15未夠鐘開門已經喺門口等，啲卡座好闊落，坐得好舒服。食物味道唔錯，魚生好新鮮。平時好少去奧海城，原來食晏時間好多人，我哋走嗰陣開始要等位。午餐會有一份沙律同紫菜湯。牡丹蝦刺身，原隻活赤貝，赤貝爽口，兩樣都好新鮮。特盛飛魚籽軍艦，特盛花之戀，小朋友平時食嘅兩款壽司，不過呢度嘅花之戀無沙律醬，上面嘅海膽益埋我。燒三文魚腩，外脆內熱。燒午舌串，夠厚身，好味。燒白鱔串，呢個普通，食得出係冰鮮鱔。極上海膽刺身丼，好豐富，飯有適量鼓油。小朋友食嘅稻庭烏冬。蒲燒鰻魚丼定食。香煎鵝肝配泉蛋丼，鵝肝好肥美。