神屋流博多道場 (Closed)

今日行開銅鑼灣，諗住試下呢間日本野，首先講下個環境先，好舒服，特別係坐卡位，私隱度十足，傾計絕對一流。我地叫左鰹魚，魚身經火烘烤一下，待冷卻之後，用刀切成生魚片，仲保留左鰹魚肥美既肉味加上烘烤的味道同醬汁，好好味。我地又叫左少少串燒，有三文魚腩、鰻魚等等。三文魚腩好肥美，至於鰻魚方面，鰻魚同埋醬汁配合得幾好。再之後，我地又有叫了海鮮丼，用既係日本珍珠米，黏中帶彈性。海鮮丼既海鮮包括三文魚子、三文魚、蝦、貝類及鰻魚。鰻魚方面，我之前都講左，佢燒得幾好，甘香沒泥味。成個飯有鰻魚，加上三文魚子咬落去，擠出鮮甜的魚油，加埋蝦彈牙，而且帶出鮮味。加埋基本既野，蛋絲、蔥、芥末，撈埋一齊食絕對係正。整體黎講，佢既野食都幾好味，會再光顧。