大叻越南牛肉粉餐廳 (Closed)

星期六懶洋洋的下午， 等待著寒風的駕臨， 下星期天文台話會跌到八度，下個禮拜都應該係打邊爐的時間。今朝的普通茶記早餐， 下晝想食啲酸酸味味的東西， 呢間越南舖除了豬扒好味之外， 我最鍾意食就係 扎肉雞絲撈檬， 第一次下午茶先至嚟食， 其實夜晚食撈檬或飯類 都係40幾蚊 ，仲有兩條越南春卷送添。午餐時段通常都多人 學生、寫字樓工， 所以下午茶時段是較為少人的…… 始終人年紀大了 喜歡平淡安靜的生活， 一切從簡， 有得食就去食，又唔係食貴嘢，簡簡單單的一餐， 簡簡單單的生活， 從平時忙碌的生活慢慢淡化成簡單、簡約的生活， 笑看人生！