Video
Read full review
2022-07-20
247 views
好味指數😋😋😋回頭指數 ⭐️⭐️⭐️開心指數🤗🤗🤗有聽聞過呢間係排隊熱店，分店呢我就冇咩興趣試啦，要試就梗係試原店！如果唔係朋友揸車，其實個位都真係幾難到嘅～我就當然係買外賣啦，到咗今日先知道原來佢只係食粉麵嘅！餐單好簡單，完全冇套餐，每樣都分開叫，計落都有少少貴！🍴肉眼筋冬陰公湯底米粉（$45）本身叫個粉係$31兩個餸，冬陰公湯底+$10，肉眼筋+2，因為我只叫肉眼筋就加雙份，即係$4。外賣做得幾好嘅係個碗本身已經分咗湯，揸完車過咗大半個鐘個湯仲係熱嘅，米粉一浸落去都仍然okay！個湯底好濃郁又惹味，少少辣，好難令人唔飲，我飲咗好多，應該飲咗大半碗！肉眼筋係連咗響肉眼上面嘅筋膜，非常爽口，比起豬頸肉更爽，係好好味嘅，double 咗餸都唔算好多舊，大概6-7舊左右。米粉勁爽口，成個粉嚟講係幾高質嘅！不過，食完之後嘅幾粒鐘，我就應該飲咗至少900-1000ml 嘅水，如果唔介意之後要狂飲水，其實係幾好味嘅！另外試咗朋友嘅番茄湯底都幾濃厚嘅。🍴凍奶茶（$19）試咗佢普通版本唔係樽仔版本，要咗多奶，奶味同茶味好正，一D 都唔嚡，非常滑。🍴煎魚餅（$40/8件）煙韌度唔錯，口感都唔錯，不過就咁食係
回頭指數 ⭐️⭐️⭐️
開心指數🤗🤗🤗
有聽聞過呢間係排隊熱店，分店呢我就冇咩興趣試啦，要試就梗係試原店！
如果唔係朋友揸車，其實個位都真係幾難到嘅～我就當然係買外賣啦，到咗今日先知道原來佢只係食粉麵嘅！
餐單好簡單，完全冇套餐，每樣都分開叫，計落都有少少貴！
🍴肉眼筋冬陰公湯底米粉（$45）
本身叫個粉係$31兩個餸，冬陰公湯底+$10，肉眼筋+2，因為我只叫肉眼筋就加雙份，即係$4。外賣做得幾好嘅係個碗本身已經分咗湯，揸完車過咗大半個鐘個湯仲係熱嘅，米粉一浸落去都仍然okay！
個湯底好濃郁又惹味，少少辣，好難令人唔飲，我飲咗好多，應該飲咗大半碗！肉眼筋係連咗響肉眼上面嘅筋膜，非常爽口，比起豬頸肉更爽，係好好味嘅，double 咗餸都唔算好多舊，大概6-7舊左右。米粉勁爽口，成個粉嚟講係幾高質嘅！
不過，食完之後嘅幾粒鐘，我就應該飲咗至少900-1000ml 嘅水，如果唔介意之後要狂飲水，其實係幾好味嘅！另外試咗朋友嘅番茄湯底都幾濃厚嘅。
🍴凍奶茶（$19）
試咗佢普通版本唔係樽仔版本，要咗多奶，奶味同茶味好正，一D 都唔嚡，非常滑。
🍴煎魚餅（$40/8件）
煙韌度唔錯，口感都唔錯，不過就咁食係會比較鹹咗少少，用嚟同白飯食就差唔多，不過因為佢嘅濃湯粉麵都已經好濃味，就會感覺略為 over 咗少少。呢個唔記得咗影相！
另外本身想試佢嘅鮮油菠蘿包，可惜落錯單俾咗鮮油多士，冇咩特別。
整體上係幾好味嘅，如果有朋友揸車呢，我都會再食嘅，要自己由西鐵站行去就唔會啦。口渴還口渴，底湯真係好味嘅，奶茶亦都係好飲！下次我會想試到個菠蘿包。
Post
