Video
Read full review
2015-02-02
5288 views
兩隻馬騮游完早水，大叫肚餓，中午時間，想搵間好坐嘅，媽咪鍾意食上海菜，見呢間口碑唔錯，上到去門口，無訂位，被安排坐近門口4人枱，中式酒樓格局，裝修簡潔，午市都有啲優惠套餐或特價菜色，見其中一個四人餐幾抵食，食物選擇都多，所以就揀呢個！落單之後食物超快來齊！枱面有紫菜花生，好香口好味！兩隻馬騮搶住食！午市超值自選四人套餐（$268）烏筍拌木耳--醋汁酸酸地，但唔夠入味，木耳好大塊爽口，咬落只有外面有味，中間仲係淡茂茂，好明顯一撈好無放過就上碟，我要等耐啲，仲要由底食，先至好點，講真自己平時都有醃雲耳食！咁簡單嘅涼拌菜色都無心做！失望！烏筍爽甜！（我見大多數用萵筍呢個名）唔要醋味都好味，只係比幾件！雞絲粉皮：欣賞自己落麻醬（因為自己唔太喜歡麻醬味）雞絲比較嚡，青瓜絲爽口，水晶粉皮煙韌！正常！乾煸四季豆：味道夠但啲四季豆外皮過熟，淋晒，一啲𡁻口都無！差！招牌炒拉麵：呢個叫得招牌，味道唔錯，拉麵彈牙，配甜醬油炒，配料有青椒、河蝦、芽菜！河蝦爽口比較淡，蔬菜爽口！餐湯--冬瓜蓉羹：足料，冬瓜蓉好多，湯底清但比較淡，無乜味，好似落唔夠鹽，少許金華火腿碎！一般！蘋果茶：熱飲，偏甜，蘋果味清新唔假！蕃
兩隻馬騮游完早水，大叫肚餓，中午時間，想搵間好坐嘅，媽咪鍾意食上海菜，見呢間口碑唔錯，上到去門口，無訂位，被安排坐近門口4人枱，中式酒樓格局，裝修簡潔，午市都有啲優惠套餐或特價菜色，見其中一個四人餐幾抵食，食物選擇都多，所以就揀呢個！落單之後食物超快來齊！
枱面有紫菜花生，好香口好味！兩隻馬騮搶住食！
午市超值自選四人套餐（$268）
烏筍拌木耳--醋汁酸酸地，但唔夠入味，木耳好大塊爽口，咬落只有外面有味，中間仲係淡茂茂，好明顯一撈好無放過就上碟，我要等耐啲，仲要由底食，先至好點，講真自己平時都有醃雲耳食！咁簡單嘅涼拌菜色都無心做！失望！烏筍爽甜！（我見大多數用萵筍呢個名）唔要醋味都好味，只係比幾件！
雞絲粉皮：欣賞自己落麻醬（因為自己唔太喜歡麻醬味）雞絲比較嚡，青瓜絲爽口，水晶粉皮煙韌！正常！
乾煸四季豆：味道夠但啲四季豆外皮過熟，淋晒，一啲𡁻口都無！差！
招牌炒拉麵：呢個叫得招牌，味道唔錯，拉麵彈牙，配甜醬油炒，配料有青椒、河蝦、芽菜！河蝦爽口比較淡，蔬菜爽口！
餐湯--冬瓜蓉羹：足料，冬瓜蓉好多，湯底清但比較淡，無乜味，好似落唔夠鹽，少許金華火腿碎！一般！
蘋果茶：熱飲，偏甜，蘋果味清新唔假！
蕃薯糖水：黃糖水過甜，蓋過晒蕃薯味，蕃薯入晒糖水，淋身之外，只有甜！
南翔小籠包（特價）（$30）：一籠四粒，上海菜館有保證（如果連小籠包都難食，唔使做）外皮無穿，湯汁好多，熱到辣咀！餡料半肥瘦！軟滑好味！食物一般，套餐份量豐富，一定夠飽，店員有禮勤快，對小朋友好好！廁所在店外，乾淨企理，設備齊全！
好坐但味道一般嘅一餐！
Post
