平昌韓國BBQ (Closed)

又想食烤肉又想食芝士豬肋骨，搵下搵下就搵到呢間！見menu上呢個8式燒肉幾特別，就試下啦！8 種口味的五花肉一次過上枱，未燒先興奮！不過食落隻隻味都差不多，肉質唔錯，豬肉味都幾鮮！所謂的「八色」包括有大蒜、葡萄酒、松葉、香草、咖喱、大醬、辣椒醬和高麗人蔘。但真的，燒完後隻隻味道都分別不大。每款肉旁邊都有小字記低味道。除咗八色燒肉之外，我重點左我最鍾意食嘅芝士豬肋骨。侍應會等到芝士半溶之後，過黎幫手用芝士捲着豬肋骨，芝士味好香，而且每件豬肋骨都沾上香辣嘅醬汁，其實都頗辣，不過幾刺激！朱立骨肉質鬆軟，好易𡁻，而且每件都好大舊，雖然價錢唔平，但都算ok值得嘅!其實韓國餐黎講呢一間真係唔算平，不過坐得又舒服，環境寬敞，服務都幾好。偶爾食下都可以！而且食物質素都算幾好啊。