Maison Eric Kayser (翩匯坊) (Closed)

Maison Eric Kayser (翩匯坊)平時早餐都好鍾意食麵包，經常都會嚟呢間買麵包、croissant做早餐，配埋一杯咖啡，可以話係一天美好嘅開始。呢間嘅麵包從來冇令我失望，今日揀咗其中兩個黎寫一寫食評：Bacon and cheese ciabatta應該都係用酸種麵包製作，感覺十分之健康，麵包咬樂有咬口，中間算係十分鬆軟，仲有一粒粒足料嘅bacon，同埋嗰陣濃香嘅芝士味，絕對可以一試。Almond croissant食完個鹹嘅包就試下呢個甜嘅，佢外面係一層薄薄嘅糖霜，夠曬甜，咬落個牛角包嘅外皮十分之脆口，熱裏面就食到好鬆軟同埋好香牛油味，甜嘅包配上香濃嘅咖啡，可以話係冇得頂！試過佢幾間分店嘅麵包質素都好高，將軍澳呢間食完仲可以出去海邊行下，唔錯唔錯。