NUTTEA (旺角中心第一座) (Closed)

呢個天氣行開旺角，一定好想飲珍珠奶茶嗰啲嘢飲，但呢排好似都飲咗好多黑糖珍珠，好似好唔健康咁，跟住搵吓openrice有咩好飲，見到旺角中心好似有Nuttea😍呢間出名飲堅果奶，選擇好多有奶蓋又有茶飲，我哋揀咗兩杯，一杯係芒果堅果奶蓋茶，另一杯係牛油果堅果奶。落完單冇幾耐，就見到店員喺雪櫃拎咗個牛油果出嚟，係真係即刻切開即整，唔係切定晒喺度，咁就唔怕氧化，仲要係大隻牛油果嚟㗎。飲落去首先係一大浸hazelnut味道，如果鍾意金沙或者Nutella 嘅話一定好鍾意。飲完落去之後就feel到有牛油果味，好濃郁同埋好creamy，勁正冇揀錯。另一杯就係芒果堅果奶蓋茶， 個奶蓋有少少鹹味，都係好濃郁嘅堅果味，夾落去個芒果茶估唔到都幾夾。