冰室小菜館 (彌敦道) (Closed)

今次講這間餐廳抵食又好味，平時都有食開這間茶餐廳午餐，炒粉麵飯都很夠鑊氣，炸肶薯條下午茶，隻肶又大隻，但都不讓我有寫文意慾，但今次食這個特快餐就不得不寫，因為真係超抵食。剛剛中午突然落雨，於是就想用網上叫定餐先，到時唔洗等，點知就俾我見到個特快餐，我一睇發現雞扒伴漢堡扒飯都是$24。咁抵當然即叫啦，原來還有得選多飯，但就只限外賣，15分鐘前叫完，放飯時直接去到餐廳，等都唔洗等，直接取食物返公司食。開頭以為$24實份量會好少，一陣一定要再吃下午茶先夠飽。點知一打開個盒發現飯份量夠，而且雞扒大塊過大X樂、美X那些雞扒早餐那塊，只是唯一美中不足是塊漢堡扒很細塊直徑約2吋。味道就中規中矩，可以說是超級抵食。