The Point (Closed)

中午在時代廣場行下，購物完畢要搵嘢食，後邊果條燈籠街就好多人氣食肆，入咗去The Point 呢間西餐廳食午餐，見仲有幾個外國客人在進餐，呢間係有幾間分店都在香港某些酒店駐扎的，感覺服務同質素應有保證吧！裏面D座位同裝修都唔錯，水吧頂放滿港產手工啤，而且價錢又唔算貴，呢度價錢只比外邊超市貴少少而已！我地點咗個煙三文魚凱撒沙律，原隻龍蝦薄批配茴香頭、車厘茄、水牛芝士、香茅龍蝦汁。沙律果兩片煙三文好大片，放咗D魚子在上面，仲有D煙肉碎混埋沙律醬好好味，夠醒胃，做前菜啱啱好！龍蝦批上桌，嘩！成隻波士頓龍蝦放在個批上面，好霸氣！加上車厘茄D紅色，茴香頭D綠色，芝士嘅米黃色，好搶鏡的視覺效果，淨係睇到都覺得流口水！食落感覺蝦肉鮮甜，個薄餅皮香脆，香料味啱啱好！呢個時候，有杯冰涼啤酒就真係最合配啦！點咗兩款港產手工啤：呢隻港產啤酒已經漸漸流行了，好豐富果子味，一面食，一面談天，很快又過了一個愉快的下午！